Şahpəri Abbasova, Sputnik Azərbaycan
BAKI, 19 aprel — Sputnik. Aprelin 18-i axşam saatlarında Şəki şəhər sakinləri — 82 yaşlı Pirməmməd Məhərrəm oğlu Mustafayev sağ baldır, 26 yaşlı Elnur Mafəl oğlu Hüseynov isə sol baldır nahiyəsindən it dişləməsi xəsarəti ilə Şəki Rayon Mərkəzi xəstəxanasına daxil olublar.
Müayinə zamanı məlum olub ki, onları küçədə sahibsiz it dişləyib. Hər iki şəxsə lazımi tibbi yardım göstərilib, quduzluq əleyhinə peyvənd edildikdən sonra ambulator müalicə almaq şərti ilə evə buraxılıb.
Qeyd edək ki, analoji hadisələr Şəkidə tez-tez baş verir. Gecə-gündüz sərbəst gəzən quduz itlər azyaşlılar üçün daha çox təhlükə mənbəyi hesab olunur.
