BAKI, 14 apr — Sputnik. Şimali Koreya Silahlı Qüvvələri ABŞ və Cənubi Koreyaya "sərt müqavimət" göstərəcəklərini vəd edib.
"Bizim ABŞ və onun vassallarına qarşı müqavimətimiz təcavüzkarların sağ qalmasına yol verməyəcək dərəcədə amansız olacaq" — deyə Koreyanın Mərkəzi Teleqraf Agentliyi hərbçilərin sözlərini sitat gətirir.
"Şimali Koreya Silahlı Qüvvələri KXDR-nin ləyaqət və suverenliyinə əl uzadanlara qarşı həmişə olduğu kimi mərdliklə mübarizə aparacaq və ABŞ-ın təxribat xarakterli planlarını amansızcasına pozacaq" — bəyanatda bildirilir.
