BAKI, 9 apr — Sputnik. Məcunlarla müalicə bizdə geniş yayılmasa da, bu müalicə üsulunu genişləndirmək lazımdır. Çünki tarixən təbiblər bal, bitki qarışımlı məcunlardan istifadə ediblər.
Sputnik Azərbaycan-ın saglamolun.az-a istinadən xəbərinə görə, məcunların bir üstünlüyü də bitkilərin təbii forması dəyişilmədən sadəcə üyüdülərək bal ilə qarışdırılmasıdır ki, bu da vitamin və mineral tərkibinin olduğu kimi saxlanılması deməkdir. Bu məcun insanın bütün hallarında — həm xəstə halında, həm də sağlam halında istifadə oluna bilər.
Davamlı istifadə zamanı çox güclü bir immunitet əmələ gəlir, sinir pozulmalarında, iltihabi xəstəliklərdə, vərəmdə, pnevmoniyada, bronxitdə, böyrək iltihabi xəstəliklərində, tez-tez xəstələnmələrdə, tez-tez boğazgəlmələrdə, görmə zəifliyində, beyin-qan dövranı pozulmalarında, yaddaşsızlıqda, diqqətsizlikdə, skleroz xəstəliyində, revmatizm xəstəliyinin bütün növlərində və bura yazmadığım neçə-neçə xəstəliklərdə istifadə edə bilərsiniz.
Tərkibi:
Ud hindi — 80 qram
Qarazirə — 80 qram
Propolis — 40 qram
Bal — 1 kq
Deməli, propolisi 1 gün soyuducunun buzxanasında saxlayıb, sonra sürtkəcdən keçirin. Bitkiləri toz formasına salıb bal ilə yaxşı-yaxşı qarışdırın, şüşə bankaya yığıb ağzını bağlayın. Məcunu adi otaq tempraturunda illərlə saxlaya bilərsiniz, əgər dadı xoşunuza gəlməsə əlavə olaraq bal da qarışdıra bilərsiniz.
Böyüklər gündə 3 dəfə yeməkdən 30 dəq əvvəl 1 çay qaşığı, uşaqlar isə gündə 3 dəfə yarım çay qaşığı istifadə edə bilərlər. Onu da xatırladaq ki, məcun başdan-başa antioksidantdır, xərçəng xəstəliyinin həm müalicəsində, həm də bu xəstəliyə tutulmamaq üçün məcundan istifadə edə bilərsiniz.
