BAKI, 6 apr – Sputnik. Avropa Parlamenti, Gürcüstandan sonra bu dəfə də Ukrayna vətəndaşları üçün viza rejimini ləğv edib. Sputnik Azərbaycan bu barədə Avroparlamentin rəsmi saytına istinadən məlumat verir.
Müvafiq qətnamə bu gün qəbul edilib. Ona əsasən Ukrayna vətəndaşları Avropa İttifaqına üzv ölkələrə 90 gündən artıq olmayaraq vizasız səfər edə biləcəklər. Bu, sadəcə turistik və işgüzar səfərlərə aiddir. Yəni nə ukraynalılara, nə də gürcülərə Aİ ərazisində işləmək hüququ verilmir.
