BAKI, 5 apr — Sputnik. Rusiyanın “NTV+” televiziya kanalı Azərbaycanda qeyri-qanuni yayımlanır.
Bu barədə Milli Televiziya və Radio Şurasının sədri Nüşirəvan Məhərrəmli Milli Məclisin Mədəniyyət komitəsinin iclasında “Kabel şəbəkəsi haqqında” qanun layihəsinin müzakirəsində bildriib.
O qeyd edib ki, MTRŞ bununla bağlı məhkəməyə və aidiyyəti quruma müraciət etsə də, kanalın yayımı kabel şəbəkəsində davam etdirilir.
Maraqlıdır ki, Bakı şəhərində fəaliyyət göstərən kabel şəbəkələrinin təqdim etdikləri telekanalların əksəriyyəti "NTV+" aid olur. Onların bağlanması bu sahədə ciddi boşluq yarada bilər.
