İqtisadçı ekspert Natiq Cəfərli deyir ki, istənilən məhdudlaşdırıcı addım potensial investorları və iqtisadi oyunçuları çəkindirici və qorxuducu addım sayılır: “Bank sferasında istənilən məhdudlaşdırma biznesə mənfi təsir göstərir. Əgər qanunda belə bir boşluq yaranıbsa, qanunvericilikdə müəyyən bir dəyişiklik edilməlidir”.
“Bank əməliyyatlarına hər hansı bir qadağanın qoyulması mülkiyyət hüququnun pozulması məsələsini gündəmə gətirə bilər. Fiziki və hüquqi şəxslərin vəsaiti onların əmlakı sayılır. Bu məhdudlaşdırma onların əllərində olan sərbəst pul vəsaitlərindən istifadə etmək hüququnu pozur. Belə qadağaların olması ölkənin cəlbediciliyini azalda bilər. Belə məhdudlaşdırıcı addım Azərbaycanın investitsiya mühiti üçün neqativ imic yaradan addımdır” – deyə o bildirib.