Politoloq Elxan Şahinoğlu deyir ki, Sankt-Peterburqdakı partlayışı iki qüvvə həyata keçirə bilərdi: “Bu partlayışı ya şimali Qafqazdakı gizli qruplardan biri, ya da İŞİD-ə bağlı şəxslər törədə bilərdi. Amma bütün hallarda bunun terror hadisəsi olduğunu hər kəs qəbul edib. Düşünürəm ki, Rusiya bu hadisədən sonra terrorçulara qarşı mübarizəni daha da şiddətləndirəcək. Rusiya Şimali Qafqazada meşələrdə gizlənmiş gizli qruplara qarşı əməliyyatları genişləndirə bilər, həmçinin Suriyada terroçuların mövqelərinə daha ciddi zərbələr vura bilər”.
“İŞİD Rusiyada terror aktı törətmək istəyəndə Rusiyanın Şimali Qafqaz mənşəli vətəndaşlarından və Mərkəzi Asiya vətəndaşlarından istifadə edir. Səbəb də budur ki, Mərkəzi Asiya ölkələri ilə Rusiya arasında vizasız gediş-gəliş imkanları var. Aydındır ki, İŞİD-in göndərdiyi hansısa ərəb mənşəli terroçu Rusiyanın paytaxtına gəlib çıxa bilməz” – deyə o bildirib.
