BAKI, 2 apr — Sputnik. Böyük Britaniyanın baş naziri Tereza Meyin rəsmi nümayəndəsi Cəbəllütariqin heç vaxt İspaniyanın bir hissəsi olmayacağını bəyan edib.
APA-nın verdiyi məlumata görə, bu bəyanat Meyin Cəbəllütariqin birinci naziri Fabian Pikardo ilə görüşündən sonra səsləndirilib.
Mey görüşdə Böyük Britaniyanın bir hissəsi olan Cəbəllütariqə, onun xalqına və iqtisadiyyatına dəstəyini davam etdirəcəyini vurğulayıb. Mey həmçinin Böyük Britaniyanın Avropa İttifaqından ayrılması (Brexit) ilə bağlı optimal razılaşmanın əldə olunması üçün Londonun mövqeyinin formalaşdırılması prosesinə Cəbəllütariqin də cəlb olunacağını vəd edib.
