Azad İstehlakçılar Birliyinin sədri Eyyub Hüseynov təəssüf edir ki, dərman qiymətlərinin tənzimlənməsində Tarif Şurası və digər müvafiq qurumlar səhvlərə yol veriblər: “Bu işlə məşğul olanlar Türkiyə təcrübəsini birbaşa Azərbaycana tətbiq etdilər. Türkiyə təcrübəsində bu, yerli dərman istehsalını gücləndirəndən sonra tətbiq edilmişdi. Manatın dollara qarşı rəqabətini nəzərə almayıb bunu tətbiq etdikləri üçün problemlər yaşanır”.
“Tənzimləmədən öncə bəzi dərmanların qiyməti ucuz idi, sonradan bahalaşdı. Ölkədə çoxlu sayda qaçaqmal, qeydiyyatdan keçməyən dərmanlar meydana gəldi. Düşünürəm ki, Tarif Şurası effektli nəzarət sistemi həyata keçirməlidir. Baxmayaraq ki, Səhiyyə Nazirliyi bu işləri görməyə çalışır, lakin problemlər yaşanır” – deyə o bildirib.
