Купюра номиналом в 200 AZN, фото из архива - Sputnik Azərbaycan
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

Bakıda vahid taksi sistemi necə yaradılacaq?

© novosti-n.orgTaksi
Taksi - Sputnik Azərbaycan
Xəbərlərə abunə olun
Mais Ağayev: “Taksi xidmətini şəhərimizin müasir inkişafına uyğunlaşdırmaq istəyirik”

Sektor müdiri: “Bir çoxları asan qazanc yolu kimi taksi fəaliyyəti ilə məşğul olmağı seçir”
Bakıdakı taksi məsələsi ilə bağlı pərakəndə vəziyyətin aradan qaldırılması üçün vahid taksi sisteminin yaradılması ilə bağlı təkliflər irəli sürülüb.  

Bakı Nəqliyyat Agentliyinin İcitmaiyyətlə əlaqələr və maarifləndirmə şöbəsinin sektor müdiri Mais Ağayev Sputnik Azərbaycan-a bildirib ki, bu sistemi təşkil etməklə taksi fəaliyyəti ilə məşğul olmaq istəyən şəxslər üçün əlverişli şərait yaratmaq istəyirlər: “Eyni zamanda, taksidən istifadə edən vətəndaşlar üçün təhlükəsiz, rahat, keyfiyyətli taksi xidmətinin təşkilinə nail olmaq istəyirik. İndi bir çoxları asan qazanc yolu kimi taksi fəaliyyəti ilə məşğul olmağı seçir”.

“Bu sistemi yaratmaqda məqsədimiz odur ki, əhaliyə göstərilən taksi xidmətinin keyfiyyəti artırılsın. Bu gün fəaliyyət göstərən sifarişli taksi xidmətləri qiymətdə rəqabət apara bilirlər. Ancaq keyfiyyətdə rəqabət yoxdur. Vahid qiymət olsa, artıq onlar keyfiyyətdə rəqabət aparmaq barədə düşünəcəklər. Bizim taksilərlə bağlı hazırlayıb hökümətə təqdim etdiyimiz təkliflər ona hesablanıb ki, həm taksi fəaliyyəti ilə məşğul olan hüquqi və fiziki şəxslər üçün əlverişli mühit yaradılsın, həm də taksi xidmətini şəhərimizin müasir inkişafına uyğunlaşdıra bilək” – deyə o bildirib.

Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала