BAKI, 27 mart – Sputnik. “Amerika Yaxın Şərqə daha 200 əsgər göndərəcək. Həmin əsgərlərdən İraq və Suriyadakı anti-terror əməliyyatlarında istifadə ediləcək”. Sputnik Azərbaycan Fox telekanalına istinadən xəbər verir ki, bu barədə sözügedən kanala Pentaqon rəsmisi məlumat verib.
ABŞ-ın Müdafiə Nazirliyindən olan və adının açıqlanmasını istəməyən şəxs deyib ki, əlavə əsgər tələbi İŞİD əleyhinə beynəlxalq koalisiyanın komandiri general-leytenant Stefan Taunsend tərəfindən gəlib. 200 hərbçinin konkret hara yerləşdiriləcəyi hələlik açıqlanmayıb. Amerikalı əsgərlər İraqın Mosul vilayətindən 40 km cənubdakı Əl-Kayyara hərbi hava bazasına göndəriləcəklər.
Pentaqonun bu gün mövzu ilə bağlı ətraflı məlumat verməsi gözlənilir.
