BAKI, 23 mart — Sputnik. Son 3 gündə Azərbaycanda 14 yol-nəqliyyat hadisəsi qeydə alınıb. Bu barədə Sputnik Azərbaycan-a Daxili İşlər Nazirliyinin (DİN) mətbuat xidmətindən məlumat verilib.
Martın 20-də respublikanın avtomobil yollarında 5 yol-nəqliyyat hadisəsi baş verib, nəticədə 2 nəfər ölüb, 6 nəfər xəsarət alıb. Martın 21-də 6 yol-nəqliyyat hadisəsi qeydə alınıb, nəticədə 12 nəfər yaralanıb. Martın 22-də isə 3 yol-nəqliyyat hadisəsi nəticəsində 4 nəfər ölüb, 12 nəfər xəsarət alıb.
