BAKI, 20 mart — Sputnik. Böyük Britaniyanın baş naziri Tereza Mey ölkəsinin Avropa Birliyindən çıxış prosesinə martın 29-da start verəcək. Sputnik Azərbaycan bu barədə Rusiya mətbuatına istinadən məlumat verir.
Məlumata əsasən, hər şeyin qaydasında gedəcəyi halda 2019-cu ilin martında ölkə Avropa Birliyini tərk edəcək. Martın 16-da bu planı kraliça II Yelizaveta bəyənib. Planı parlament də dəstəkləyib.
Böyük Britaniyanın Avropa Birliyindən çıxmasına dair referendum 2016-cı il iyunun 23-də keçirilib. Səs verənlərin yarıdan çoxu Brexit-i dəstəkləyib.
