BAKI, 17 mart — Sputnik. 1991-ci il martın 17-də SSRİ-də ittifaqın saxlanılması məsələsi ilə bağlı referendum keçirilib.
Rəsmi məlumatlara əsasən, referendumda əhalinin 76 faizi SSRİ-nin saxlanılmasına səs vermişdi. Altı respublikada (Latviya, Estoniya, Litva, Ermənistan, Gürcüstan, Moldova), həmçinin Azərbaycanın Naxçıvan Muxtar Respublikasında referendum keçirilməmişdi.
Azərbaycanda referendumun rəsmi nəticələrinə görə, əhalinin 75 faizinin SSRİ-nin saxlanılmasına tərəfdar olduğu elan edildi.
Referendumun nəticələri geniş ictimaiyyətdə şübhə dogurdu. 1991-ci ilin dekabrında keçirilən analoji referendumda səs verənlərin əksəriyyəti SSRİ-dən çıxmağın lehinə səs verdilər. Elə həmin ay SSRİ dağıldı.
