BAKI, 17 mart – Sputnik. Birləşmiş Ştatların dövlət katibi Reks Tillerson, ölkəsinin Şimali Koreyaya qarşı strateji dözümlülüyünün qalmadığını söyləyib.
Sputnik Azərbaycan CNN-ə istinadən xəbər verir ki, Tillerson, Şimali Koreyaya qarşı hərbi hərəkatın "masada" olduğunu deyib.
“Bizim Pxenyan rəhbərliyinə qarşı dözümlü rəftarımız tükənmək üzrədir. Açıq ifadə edirəm ki, bu ölkəyə savaş ssenariləri gündəmimizdədir. Düzdür, biz müharibə istəmirik, amma səbrimizin sonu var. Şimali Koreya gərginliyi artıracaq addımlardan qaçmalıdır” – dövlət katibi bildirib.
