BAKI, 15 mart – Sputnik. Türkiyənin ATV telekanalında aparıcı Esra Erolun təqdim etdiyi evlilik proqramına qatılan Ayça adlı bir qadın, hər şeyin qurğu olduğunu və verilişdən gündəlik pul aldıqlarını açıqlayıb.
Sputnik Türkiyə xəbər verir ki, Ayça, bu barədə özünün Instagram səhifəsində yazıb.
“Bizə müqavilə imzaladırlar. Gündəlik pul alırıq. Ahmet adlı iştirakçı ilə eşq falan yaşamadım. Bərabər yeməyə belə çıxmadıq. Hər şey öncədən qurulmuşdu. Proqramda mənə taxılan üzük belə anamın ziyarətdən gətirdiyi üzük idi. Caner və Berke eşqi də yalandır. Proqramda ən çox pulu Caner qazanır. Oradakı hər kəs oyun oynayır, Esra Erol da rejissorluq edir” – verilişdən ayrılan iştirakçı qeyd edib.
