Parisdə Azərbaycan prezidentinə dəstək aksiyası keçirilib

© Photo : STRВ Париже прошла акция в поддержку президента Ильхама Алиева
В Париже прошла акция в поддержку президента Ильхама Алиева - Sputnik Azərbaycan
Abunə olmaq
Mitinqdə 400-dən çox həmvətənimiz iştirak edib

BAKI, 14 mart — Sputnik. Avropada yaşayan azərbaycanlılar Prezident İlham Əliyevə dəstək nümayiş etdirmək məqsədilə Parisin Joffre meydanında – Sülh divarının yaxınlığında aksiya keçirib.

Diasporla İş üzrə Dövlət Komitəsinin mətbuat xidmətindən Sputnik Azərbaycan-a verilən məlumata görə, mitinqdə 400-dən çox həmvətənimiz iştirak edib.

Aksiyada “Paris Azərbaycan Evi”nin rəhbəri və Azərbaycanın Dostları Assosiasiyasının Baş katibi Mirvari Fətəliyeva, Adela Naibova, Azərbaycanın Dostları Assosiasiyasının prezidenti, Fransa Parlamentinin üzvü Jan Fransua Mansel, Assosiasiyanın İdarə Heyətinin üzvləri Jérome Beguin, Fransa Senatının üzvləri Natali Quli, Andre Reyhart, diaspor fəalı Rza Zeyniyev və digəriləri çıxış edərək prezident İlham Əliyevin Ermənistan-Azərbaycan, Dağlıq Qarabağ münaqişəsinin həlli istiqamətində siyasətinə dəstək nümayiş etdirib, Azərbaycan dövləti ilə həmrəy olduqlarını bildiriblər. 

Azərbaycan diaporu Parisdə Ermənistan Prezidentinin Fransaya səfəri ilə bağlı etiraz aksiyası keçirib - Sputnik Azərbaycan
Azərbaycanlılar Parisdə kütləvi etiraz aksiyası keçirdilər

Mitinq iştirakçıları prezident İlham Əliyevin rəhbərliyi altında Azərbaycanın regionda müstəqil siyasət yürütdüyünü vurğulayıblar. Qeyd olunub ki, Azərbaycan güclü orduya, inkişaf edən iqtisadiyyata və yüksək beynəlxalq nüfuza malik dövlətdir.

Aksiyada, həmçinin, beynəlxalq ictimaiyyətdən Ermənistanın təcavüzkar, işğalçı siyasətinə qarşı qətiyyətli mövqe nümayiş etdirməyi, Xocalı soyqırımına hüquqi qiymət verməyi tələb olunub. Mitinqdə  iştirak edənlər bir milyondan çox həmvətənimizin məcburi köçkünə çevrilməsinə, Ermənistanın təcavüzü nəticəsində doğma torpaqlarından didərgin düşmüş azərbaycanlıların hüquqlarının pozulması faktına dünya ictimaiyyətinin, beynəlxalq təşkilatların laqeyd münasibətinin ciddi narahatlıq doğurduğunu vurğulayıblar.

Aksiyada həmçinin qeyd olunub ki, Azərbaycanın müstəqilliyini tanıyan ikinci ölkə olan Fransa ilə ikitərəfli əlaqələr yüksək səviyyədə inkişaf edir. Dövlət başçılarının, hökumət və parlament nümayəndələrinin qarşılıqlı səfərləri, siyasi, iqtisadi və mədəni əlaqələrin inkişafı bu əməkdaşlığın daha da genişləndirildiyini göstərir. 

Parisdə Xocalı soyqırımının 25 illiyi ilə əlaqədar uşaqların iştirakı ilə “Sülh üçün rəsm çəkək” adlı tədbir keçirilib - Sputnik Azərbaycan
QARABAĞ
Xocalı şəhidləri Parisdə yad edilib

Əllərində Azərbaycan və Fransa bayraqları tutan mitinq iştirakçıları “Cənab Prezident biz sizi dəstəkləyirik!”, “Ermənistan işğaldan və terrordan əl çək", "Biz torpaqlarımızı hökmən azad edəcəyik!", "Xocalıya ədalət", "Xocalı soyqırımı insanlığa qarşı cinayətdir!", "Terrora və soyqırımına yox deyirik!" kimi şüarlar səsləndirilib, plakatlar qaldırılıb.

Aksiyanın sonunda mitinq iştirakçılarının bəyanatı oxunub. Mitinq zamanı yerli sakinlərə və şəhərin qonaqlarına Azərbaycan həqiqətlərini əks etdirən broşurlar paylanılıb. 

Aksiya “Paris Azərbaycan Evi”nin təşkilatçılığı, eləcə də Nantda fəaliyyət göstərən Fransada Azərbaycan Mədəniyyət Assosiasiyası, Le Mans, Le Val, Anji şəhərlərində fəaliyyət göstərən Azərbaycan icmalarının təşkilati dəstəyi ilə baş tutub. 

Xəbər lenti
0