BAKI, 13 mart — Sputnik. Ötən il Suriyada rekord sayda — 650 azyaşlı uşaq müharibənin qurbanına çevrilib. Sputnik Azərbaycan xarici mətbuata istinadən xəbər verir ki, bu barədə BMT uşaq fondu UNİCEF məlumat yayıb.
Rəqəmin dəhşətverici olduğunu vurğulayan qurum, minlərlə uşağın da aclıq və səfalət içərisində yaşadığını qeyd edib. Məlumatda həmçinin bildirilir ki, 2016-cı ildə, azı 851 azyaşlı uşaq silahlı qruplaşmalar tərəfindən döyüşlərə cəlb olunub.
"Bu rəqəm 2015-ci illə müqayisədə iki dəfə çoxdur. Mühasirə şəraitində qalan azyaşlıların sayı ötən il 500 minə çatıb" — deyə UNİCEF xəbər verib.
