Купюра номиналом в 200 AZN, фото из архива - Sputnik Azərbaycan
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

Səfir: “Niderland Cənub Qaz Dəhlizinin inşasına xüsusi əhəmiyyət verir”

© Photo : Caspian European ClubSəfir Onno Kervers Caspian Energy İnternational Media Group-un prezidenti və baş redaktoru Natalya Əliyevanın rəhbərliyilə Caspian Energy-nin nümayəndə heyətini qəbul edib
Səfir Onno Kervers Caspian Energy İnternational Media Group-un prezidenti və baş redaktoru Natalya Əliyevanın rəhbərliyilə Caspian Energy-nin nümayəndə heyətini qəbul edib - Sputnik Azərbaycan
Abunə olmaq
Niderlandın Azərbaycandakı səfiri Onno Kervers: “Niderland CQD-nin inşasına xüsusi əhəmiyyət verir”

BAKI, 13 mart — Sputnik. Niderland Krallığının Azərbaycan Respublikasındakı Fövqəladə və Səlahiyyətli səfiri Onno Kervers "Caspian Energy İnternational Media Group"un prezidenti və baş redaktoru Natalya Əliyevanın rəhbərliyilə Caspian Energy-nin nümayəndə heyətini qəbul edib. "Caspian Energy İnternational Media Group"dan Sputnik Azərbaycan-a verilən məlumata görə, görüşdə Hollandiya şirkətlərinin aprelin 12-də Bakıda keçiriləcək Caspian Energy Forum – 2017-də iştirakı mövzusuna toxunulub.

Bakıda “Cənub Qaz Dəhlizi” Məşvərət Şurası çərçivəsində nazirlərin üçüncü toplantısı işə başlayıb - Sputnik Azərbaycan
İQTİSADİYYAT
“Cənub Qaz Dəhlizi” Məşvərət Şurasının iclası keçirilir

Səfir ölkədə həyata keçirilən iqtisadi islahatların və Avropa investorlarının Azərbaycanın regional layihələrində və iqtisadiyyatının diversifikasiyasında iştirakının əhəmiyyətini vurğulayıb. “Azərbaycanla Niderland arasında iqtisadiyyat, ticarət və investisiya sahələrində artıq geniş əməkdaşlıq yaradılıb. Müxtəlif beynəlxalq təşəbbüslərə və Azərbaycanın mövqeyinə nəzər yetirsək, Bakı Beynəlxalq Dəniz Ticarət Limanının maraqlı layihə olduğunu deyə bilərik. Bizim Şimal-Cənub adlı nəqliyyat dəhlizimiz var. Plana əsasən, bu dəhliz Sankt-Peterburqdan Mumbaya qədər uzanmalıdır. Xəritəyə baxsaq, marşrutun bu regionla da kəsişdiyini görə bilərik. Beləliklə, infrastrukturun inkişafı və yaxşılaşması, həmçinin Xəzər dənizindəki azad ticarət zonası, sözsüz ki, bu məsələdə mühüm rol oynayacaq. Əlbəttə ki, Şimal-Cənub marşrutu ilə yanaşı, Şərq-Qərb marşrutu, yeni İpək Yolu da mövcuddur ki, bu da öz növbəsində geniş imkanlar yaradır” — deyə səfir qeyd edib. 

Bundan əlavə, Onno Kervers bildirib ki, ötən ilin dekabrında qəbul edilmiş Yol Xəritələri, həmçinin Azərbaycan iqtisadiyyatının diversifikasiyası planı Niderlandın Azərbaycanla əməkdaşlıqda can atdığı məsələlərlə yaxşı uyğunlaşır. Belə ki, prioriteti iki ölkə arasında dərin əməkdaşlıq əlaqələrinin mövcud olduğu kənd təsərrüfatı, eləcə də Hollandiya şirkətləri ilə əməkdaşlıq da daxil olmaqla Hollandiya texnologiyasının və nou-haunun tətbiqi təşkil edir. Onun sözlərinə görə, hal-hazırda bütün səylər bu hədəflərə yönəldilib.

Ведущий научный сотрудник отдела экономического анализа и вопросов глобализации Центра стратегических исследований (ЦСИ) при Президенте АР Гюльмира Рзаева - Sputnik Azərbaycan
Ekspert: Trampın enerji siyasəti ABŞ-ın neft ixracını artıracaq

Cənub Qaz Dəhlizinin (CQD) inşasının həyata keçirilməsinə gəlincə, səfir qeyd edib ki, Niderland CQD-nin inşasına xüsusi əhəmiyyət verir. Bilavasitə onun benefisiarı olmasa da, Avropa və Niderland dəhlizin bir hissəsi olaraq öz enerji ehtiyat mənbələrini diversifikasiya etdiyindən bu, siyasi və strateji mənada çox vacibdir. 

Görüşün sonunda səfir Caspian Energy jurnalına eksklüziv müsahibə verib. Müsahibədə o, ikitərəfli əlaqələrin inkişaf imkanlarına, iqtisadi əməkdaşlığın genişləndirilməsinə toxunub, həmşinin enerji əməkdaşlığının inkişafı məsələsindən söz açıb. Müsahibə ilə www.caspianenergy.net saytında tanış ola bilərsiniz. 

Xəbər lenti
0