BAKI, 10 mart — Sputnik. Martın 10-da Milli Məclisin plenar iclası işinə başlayıb. Sputnik Azərbaycan xəbər verir ki, iclasın gündəliyinə 8 məsələ daxil edilib.
İclasda ikinci oxunuşda "Məktəbəqədər təhsil haqqında" qanun layihəsinə baxılacaq. "Azərbaycan Respublikasının dövlət sərhədi haqqında", "Sərhəd qoşunları haqqında", "İnformasiya, informasiyalaşdırma və informasiyanın mühafizəsi haqqında", "Telekommunikasiya haqqında", "Lisenziyalar və icazələr haqqında", "Reklam haqqında", "Əmək pensiyaları haqqında" qanunlarda dəyişikliklər müzakirə ediləcək.
