BAKI, 7 mart — Sputnik. Milli Məclis Azərbaycan Respublikasının İnsan Hüquqları üzrə Müvəkkilin illik məruzəsini qəbul edib.
Sputnik Azərbaycan-ın xəbərinə görə, məruzə parlamentin bu gün keçirilən plenar iclasında təqdim edilib.
Məruzəni Ombudsman Elmira Süleymanova təqdim edib.
Məruzə müzakirələrdən sonra səsə qoyularaq qəbul edilib.
2016-cı il üzrə illik məruzədə Müvəkkilin Azərbaycan Konstitusiyasında və ölkəmizin tərəfdar çıxdığı beynəlxalq müqavilələrdə təsbit olunmuş, dövlət və yerli özünüidarə orqanları, vəzifəli şəxsləri tərəfindən pozulan insan hüquqları və azadlıqlarının bərpası, insan hüquqlarının müdafiəsi və pozulmasının qarşısının alınması, habelə insan hüquqlarının təmin edilməsi sahəsində fəaliyyəti, hüquqi maarifləndirmə və elmi-analitik işin nəticələri, onun dövlət qurumları, ictimaiyyətlə və kütləvi informasiya vasitələri ilə əməkdaşlığı, beynəlxalq əlaqələri, həmçinin insan hüquq və azadlıqlarının daha etibarlı təmin edilməsinə yönəlmiş təklif və tövsiyələri öz əksini tapıb.
