BAKI, 4 mart — Sputnik. Almaniyadan sonra Hollandiya hökuməti də Türkiyə hökumət rəsmilərinin Amsterdamda türklərlə görüşünə icazə verməyəcəyini açıqlayıb. Sputnik Azərbaycan Timeturk-ə istinadən xəbər verir ki, Hollandiyanın Baş naziri Mark Rutte, Türkiyədəki referendumla bağlı Avropa ölkələrində kampaniya aparılmasını doğru hesab etmədiyini deyib.
"Biz bunun yolverilməz olduğunu düşünürük. Hollandiyanın meydanları, başqa ölkələrin siyasi kampaniya yeri deyil" — Rutte bildirib.
Qeyd edək ki, aprelin 16-da Konstitusiyaya əlavə və dəyişikliklərlə bağlı Türkiyədə referendum keçiriləcək. Bununla bağlı olaraq türk rəsmilər Avropada yaşayan həmyerlilərini referendumla bağlı məlumatlandırmaq üçün mitinqlər və konfranslar keçirməyi planlayırdı.
