BAKI, 1 mart — Sputnik. Gürcüstanla Avropa İttifaqı arasında vizasız gediş-gəlişə dair yekun imzalar atılıb. Bu barədə Sputnik Gürcüstan məlumat yayıb.
Sənədi Avroparlamentin prezidenti Antonio Tayani və Aİ sədri olan ölkənin — Maltanın nümayəndəsi Kris Agius imzalayıblar. Gürcüstan XİN-i bu hadisə münasibətilə ölkə vətəndaşlarını təbrik edib.
Saziş martın 8-də və ya 9-da Avropa İttifaqının rəsmi jurnalında dərc olunaraq qüvvəyə minəcək. Bu tarixdən 20 gün sonra vizasız rejim tətbiq olunmağa başlayacaq. Bu isə martın 28-nə təsadüf edir.
Qeyd edək ki, vizasız rejim Şengen zonasını əhatə edir.
