BAKI, 27 fev – Sputnik. “Ərdoğanın Türkiyədə keçiriləcək referendumla bağlı təbliğat aparmaq üçün Avstriyaya gəlməsini xoş qarşılamırıq”.
Sputnik Türkiyə xəbər verir ki, bunu Avstriyanın xarici işlər naziri Sebastyan Kurts deyib.
“Əlbəttə, o da başqa dövlət rəhbərləri kimi, ikitərəfli danışıqlar aparmaq üçün Avropaya, həmçinin Avstriyaya səfər edə bilər. Ancaq biz ölkəmizin qütbləşməsinə səbəb ola biləcək istənilən kampaniyaya qarşıyıq” — Kurts vurğulayıb.
Xatırladaq ki, bu il aprelin 16-da Türkiyə Konstitusiyasına əlavə və dəyişikliklərlə bağlı referendum keçiriləcək.
