Dövlətin ikinci şəxsi müttəfiq ölkənin bayrağını səhv saldı

BAKI, 25 fev — Sputnik. ABŞ-ın vitse-prezidenti Mayk Pens İsraili dəstəklədiyi tvitdə Nikaraquanın bayrağından istifadə edib.

Sputnik Azərbaycan bu barədə RİA Novosti-yə istinadən xəbər verir. 

“Bizim yəhudi xalqına verdiyimiz dəstək ölkəmizin sərhədləri ilə məhdudlaşmır. Dünya bilməlidir ki, Trampın hakimiyyətdə olduğu dövrdə Amerika İsrailin tərəfindədir” — Pens Twitter hesabında yazıb və yazdıqlarına Nikaraquanın bayrağını əlavə edib. 

Sosial şəbəkədə tənqiddən sonra o, tvitini silib. 

Bu, Pensin ilk bayraq səhvi deyil. 

Daha öncə Maykl Pens və Avropa İttifaqı Şurasının rəhbəri Donald Tuskun görüşü ulduzlarının sayı 50-dən artıq olan ABŞ bayrağı altında keçirilib.