Bu qəsəbədə hər şey var, amma insan yoxdur

BAKI, 18 fev — Sputnik. Kanadanın Kitsault qəsəbəsində yaşamaq üçün hər cür şərait var, amma insan yoxdur. Burada komfortlu evlər, alış-veriş mərkəzləri, kitabxana və s. mövcuddur.

Sputnik Azərbaycan Türkiyənin "Milliyet" qəzetinə istinadla xəbər verir ki, 30 il əvvəl bu qəsəbədə 1200-ə yaxın insan yaşayırdı. Ərazidə yerləşən mədəndə çalışanlar üçün bütün rahatlıq nəzərə alınaraq, bu qəsəbə yaradılmış və hər cür şəraitlə təmin olunmuşdu.

Lakin mədən bağlanandan sonra qəsəbə də boşalmağa başladı. Və get-gedə ərazi tamamən boşaldı. Artıq orada bir nəfər də daimi sakin yaşamır. Hazırda bu qəsəbə turistlər üçün cazibədar bir məkana çevrilib.