BAKI, 17 fev — Sputnik. Rusiya, İran və Türkiyə Suriyada atəşkəsin monitorinqi mexanizmi çərçivəsində birgə qrupun yaradılmasına dair razılığa gəliblər. Bu barədə Sputnik Azərbaycan APA-ya istinadən məlumat verir.
“Qrup, Suriyada atəşkəsə tam riayət etmək, təxribatların qarşısını almaq, habelə, İŞİD və “Cəbhət ən-Nüsrə” kimi qruplaşmaları silahlı müxalifət dəstələrindən ayırmaq məqsədi ilə yaradılıb” — sənəddə qeyd olunub.
Sənəddə həmçinin qeyd olunub ki, qrupun görüşləri mütəmadi, tərəflərdən birinin xahişi əsasında keçiriləcək. Görüşlərə Suriya hökuməti və müxalifətin, habelə, onlara təsir edə bilən ölkələr və təşkilatların nümayəndələri dəvət edilə bilər.
