Qadir Bayramlı: “Strateji yol xəritəsində yun istehsalını artırmaq üçün tədbirlər planı hazırlanıb”
Azərbaycan Dövlət İqtisad Universitetinin (UNEC) dosenti Qadir Bayramlı deyir ki, Azərbaycanda yun istehsalı digər sahələr kimi çox böyük tənəzzül keçirməyib. Bu işin əhəmiyyətli tərəfi yun parça istehsalıdır, ancaq o da bizdə inkişaf etməyib: “Azərbaycanda yun istehsalı artırmaq üçün qoyunçuluq sahəsindəki problemləri həll etmək lazımdır. Bundan sonra yun istehsalı sahəsində inkişaf əldə etmək mümkündür”.
“Yun istehsalçılarının özlərinin problemləri var. Onlar istehsal edəcəkləri məhsulu kimə və neçəyə satacaqlarını bilmirlər. Strateji yol xəritəsində yun istehsalını artırmaq üçün tədbirlər planı hazırlanıb. Xəritədə nəzərdə tutulan məslələrin icrası qoyunçuluğun və yun istehsalının inkişafına kömək edə bilər” — deyə o bildirib.
