Qurban Yetirmişli: “İl ərzində Azərbaycanda 9 min təkan qeydə alınır”
İl ərzində Azərbaycanda və həmsərhəd ərazilərdə irili-xırdalı 9 mindən artıq yeraltı təkan qeydə alınır. Bunu Azərbaycan Milli Elmlər Akademiyasının Respublika Seysmoloji Xidmət Mərkəzinin baş direktoru Qurban Yetirmişli keçirdiyi mətbuat konfransında deyib.
“Zəlzələ və vulkanların genetik cəhətdən əlaqəsi var. Qobustanda və dənizdə baş verən zəlzələlər vulkanın oyanmasına təsir edir. İki gün öncə baş verən vulkana da zəlzələlərin təsiri var. Yaxın zaman ərzində hansısa bölgəmizdə dağıdıcı, güclü və təhlükəli zəlzələ gözlənilmir”.
