BAKI, 8 fev — Sputnik. 1806-cı il fevralın 8-də Çar Rusiyasının Qafqazdakı işğalçı qoşunlarının komandanı, Azərbaycan torpaqlarının istilasında xüsusi amansızlıq göstərmiş gürcü əsilli general Pavel Sisianov Bakının Qala qapısı yanında qətlə yetirilib.
Sisianov şəhərin təslim edilməsi barədə Bakı xanı Hüseynqulu xanla danışıqlar apararkən xanın qardaşı oğlu İbrahim xan tərəfindən öldürülüb. Qətl hazırkı Qöşa Qala qapıları yaxınlığında həyata keçirilib.
Sisianovun ölümündən sonra rus qoşunlarının hücumları xüsusilə amansızlaşdı. 1806-cı ilin oktyabrında Bakı işğal edildi. 1813-cü ildə (Gülüstan müqaviləsi) Bakı xanlığının Rusiyaya birləşdirilməsi rəsmiləşdi.
