BAKI, 8 fev — Sputnik. Banklarla bərabər "qara bazar"da da dollar ucuzlaşıb. "Marja"nın əldə etdiyi məlumata görə, bu gün səhər "qara bazar"da dollar 1.68-1.70 manata alınıb, 1.77 manata satılıb. "Qara bazar" dolların daha da düşəcəyindən ehtiyat edərək, alış qiymətini aşağı təyin edir.
Qeyd edək ki, dövriyyədə manat qıtlığı mövcuddur. Banklar və "qara bazar" manat olmadığından daha çox dollar ala bilmir. ABŞ valyutasının daha da dəyərdən düşəcəyi gözlənildiyindən, dollar alanların sayı da kəskin azalıb.
Onu da əlavə edək ki, banklar dolları 1.68-1.76 manat səviyyələrindən alıb, 1.82-1.90 manat səviyyələrindən satır.
