BAKI, 6 fev — Sputnik. Hindistanın şimalında 5,6 bal gücündə zəlzələ baş verib. Sputnik RİA Novosti-yə istinadla xəbər verir ki, bu barədə ABŞ-ın Geoloji Xidməti məlumat yayıb. Yerli vaxtla saat 17.03-də başlayan yeraltı təkanlar 30 saniyəyə qədər davam edib.
Məlumata görə, zəlzələnin episentri Uttarakxand ştatının Pipalkoti yaşayış məntəqəsi olub. Yeraltı təkanların ocaqlarının 21 km dərinlikdə olduğu bildirilib.
Yeraltı təkanlar ölkənin paytaxtı Dehli şəhərində də hiss edilib. Dağıntı və zərərçəkənlər barədə hələlik məlumat verilməyib.
Hindistan seysmoloqları isə zəlzələnin maqnitudasının 5,8 bal, dərinliyinin isə 33 km olduğunu bildiriblər.
