ELM

Azərbaycanda dünya neft mikrobiologiyasına aid ilk tədqiqatlar aparılıb

© Sputnik / Murad OrujovНефтяные промыслы в бакинском поселке Зых
Нефтяные промыслы в бакинском поселке Зых - Sputnik Azərbaycan
Xəbərlərə abunə olun
НовостиTelegram
Fəal mikrob ştamlarının köməyi ilə qiymətli ferment, səthi fəal maddələr alına bilər.

BAKI, 4 fev — Sputnik. Azərbaycan Milli Elmlər Akademiyası (AMEA) Mikrobiologiya İnstitutunun tədqiqat proqramında Strateji Yol Xəritəsində göstərilən torpaq-su mənbələrinin qiymətləndirilməsi, qorunması və sərfəli istifadə olunması məsələlərinin həyata keçirilməsi ilə əlaqədar innovativ araşdırmalar aparılır.

İnstitutda perspektivli əhəmiyyətə malik istiqamətlərdən biri də biokonversiya və biotexnologiya ilə bilavasitə əlaqəsi olan mövzular üzrə aparılan tədqiqatlardır. Bu tədqiqatlarda axtarışlar, müqayisəli təcrübələr nəticəsində seçilən fəal mikrob ştamlarının köməyi ilə qiymətli ferment, səthi fəal maddələr alına bilər.

Neft nasosu - Sputnik Azərbaycan
RUSİYA
Ufa alimlərinin ixtirası neft hasilatının maya dəyərini azaldacaq

Biokonversiyanın tətbiqi sayəsində tonlarla meyvə-tərəvəz, qıcqırma sənayesi, kənd təsərrüfatı istehsal sahələrinin tullantıları təkrar emal edilir, ətraf mühitin, torpaqların, suların çirklənməsinin qarşısı alınır. Həmçinin müvafiq ferment preparatlarının tətbiqi ilə adi küləş, saman və başqa dənli bitkilərin, alaq otlarının qalıqları sərfəli yemə çevrilir və heyvandarlıqda geniş istifadə edilir.

Sputnik Azərbaycan AZƏRTAC-a istinadla xəbər verir ki, Mikrobiologiya İnstitutunun direktoru, akademik Məmməd Salmanovun sözlərinə görə, Azərbaycanda torpaq əhalinin maddi rifahının, sosial vəziyyətinin yaxşılaşdırılmasında mühüm rol oynayır.

Su mənbələrimiz kimi, torpaqlarımızın da ekoloji sabitliyi, fiziki-kimyəvi xassələri dəyişib. Ona görə də institutda torpaq mikrobiologiyasına aid mühüm işlər görülür və elmi-tətbiqi baxımdan qiymətli nəticələr əldə edilməkdədir.

AMEA \ Национальная Академия Наук Азербайджана - Sputnik Azərbaycan
ELM
AMEA prezidenti: Elm özü pul qazanmalıdır

Çirklənmiş torpaqların təmizlənməsində və münbitliyinin artırılmasında səmərəli mikrobioloji texnologiyaların hazırlanmasını buna misal göstərmək olar. Səciyyəvidir ki, neft mikrobiologiyasına aid ilk tədqiqatlar da dünyada sənaye üsulu ilə neftin alınmasının vətəni olan Azərbaycanda aparılıb.

Təsadüfi deyil ki, Abşeronda neftlə çirklənən torpaqların mikrobioloji rekultivasiyası, köhnə quyulardan "qalıq" neftin alınması üçün səmərəli metodiki üsullar da bu institutda işlənib və həyata keçirilib. Məhz həmin mikrobioloji texnologiyanın tətbiqi sayəsində yüz min tonlarla neft alınıb.

Xəbər lenti
0