BAKI, 3 fev — Sputnik. "Parisdəki Luvr muzeyinə hücum tamamilə terror aktıdır". Sputnik Azərbaycan Life.ru-ya istinadən xəbər verir ki, bunu Fransanın baş naziri Bernar Kaznev deyib.
"Bu hücumda terrorun bütün əlamətləri mövcuddur" — B.Kaznev bildirib.
Qeyd edək ki, bu gün paytaxt Parisdə naməlum şəxs Luvr muzeyinin qarşısındakı əsgərə bıçaqla hücum edib. Nəticədə əsgər ona cavab atəşi açıb. Qarnından yaralanan şəxs hospitala aparılıb. Əsgər isə yüngül dərəcəli xəsarət alıb.
