BAKI, 1 fev — Sputnik. ABŞ PKK terror təşkilatının Suriyadakı qolu olan PYD-yə zirehli texnika göndərib. Sputnik Azərbaycan Türkiyənin "Milliyet" qəzetinə istinadən xəbər verir ki, PYD sözçüsü Talal Silo, zirehli texnikanı Amerikadan 5 gün əvvəl təslim aldıqlarını söyləyib.
"Obama zamanında da ABŞ bizə dəstək verirdi. Ancaq yeni prezident Donald Tramp bu dəstəyi daha da artırıb. Ona minnətdarıq" — deyə PYD sözçüsü bildirib.
Donald Tramp administrasiyasının PYD terror təşkilatına hərbi yardım etməsinə Türkiyə tərəfdən hələlik rəsmi açıqlama verilməyib.
