BAKI, 31 yan — Sputnik. Qarlı, şaxtalı hava şəraiti ilə bağlı "Azəravtoyol" Açıq Səhmdar Cəmiyyətinin texnika və canlı qüvvəsi hazırlıq vəziyyətinə gətirilib.
"Azəravtoyol" Açıq Səhmdar Cəmiyyətinin mətbuat xidmətindən Sputnik Azərbaycan-a verilən məlumata görə, Bakıda və ölkə ərazisində problemli yollar nəzarətə götürülüb. Hər hansı problem olarsa, texnika və canlı qüvvə həmin ərazilərə cəlb olunacaq. Hazırda Bakıda və ölkə ərazisindəki heç bir avtomobil yolunda avtomobillərin hərəkəti üçün problem yoxdur.
"Azəravtoyol" Açıq Səhmdar Cəmiyyətini təcrübəsiz və hazırlıqsız sürücülər yollara çıxmamağa çağırıb.
