ELM

UNEC beynəlxalq konfransa ev sahibliyi edəcək

© Sputnik / Murad OrujovAzərbaycan Dövlət İqtisad Universiteti (UNEC)
Azərbaycan Dövlət İqtisad Universiteti (UNEC) - Sputnik Azərbaycan
Xəbərlərə abunə olun
НовостиTelegram
Konfransda “Təhsil və sosial-iqtisadi inkişaf”, “Təhsil sektorunun inkişafı: qlobal meyllər, mütərəqqi təcrübələr və islahatlar”, “Tədrisin keyfiyyətinin idarə edilməsinə yeni yanaşma” mövzusunda ekspertlərin məruzələri dinləniləcək

BAKI, 27 yan-Sputnik. Yanvarın 30-da UNEC-də “Təhsilin sosial – iqtisadi inkişafda rolu” mövzusunda beynəlxalq elmi-praktiki konfrans keçiriləcək. UNEC-in mətbuat xidmətindən Sputnik Azərbaycan-a verilən məlumata görə, konfransda təhsil nazirinin müavini Ceyhun Bayramov, iqtisadiyyat nazirinin müavini Sahib Məmmədov, UNEC-in rektoru, professor Ədalət Muradov, BMT-nin Azərbaycandakı rezident əlaqələndiricisi və BMT İnkişaf Proqramının (BMTİP) rezident nümayəndəsi Qulam İsakzai, Plexanov adına Rusiya İqtisad Universitetinin Təhsilin İnkişafı üzrə Elmi-tədqiqat İnstitutunun direktoru, professor Yevgeniya Valeriyevna Şubenkova ilə yanaşı, dövlət rəsmiləri, millər vəkilləri, ali təhsil müəssisələrinin rektorları, nüfuzlu beynəlxalq təşkilatların nümayəndələri və tanınmış ictimai xadimlərin iştirakı nəzərdə tutulub.

Qeyd edək ki, iki gün davam edəcək konfransda “Təhsil və sosial-iqtisadi inkişaf”, “Təhsil sektorunun inkişafı: qlobal meyllər, mütərəqqi təcrübələr və islahatlar”, “Tədrisin keyfiyyətinin idarə edilməsinə yeni yanaşma” mövzusunda panellər üzrə yerli və xarici ekspertlərin məruzələri dinləniləcək.

Xəbər lenti
0