Azərbaycan Xalça Muzeyində "Muzey məkanında zərgərlik incəsənəti: dünən, bu gün, sabah" mövzusundakı seminar çərçivəsində zərgərlik məmulatlarının satış sərgisi keçirilir.
Burada ziyarətçilər daşların gözəlliyini, qeyri-adi naxış və yazılarını göstərən zərgərlik sənəti ilə tanış olurlar. Hər bir əl işi unikaldır və əşyaların heç biri digərini təkrarlamır.
Azərbaycanlı usta-zərgərlər bu sərgidə Azərbaycanın şəbəkə sənətinə aid naxışlarının bütün rənglərini ifadə edən əl işlərindən ibarət zərgərlik məmulatları ilə təmsil olunurlar.
Sərgi ilə maraqlanan hər kəs yanvar ayının 27-nə qədər Azərbaycan Xalça Muzeyinə baş çəkə bilər.
