BAKI, 24 yan-Sputnik. Daxili İşlər Nazirliyi (DİN) ötən gecə Bakıda baş vermiş silahlı insidentlə bağlı məlumat yayıb.
DİN-in mətbuat xidmətindən Sputnik Azərbaycan-a verilən məlumata görə, Bakının Sabunçu rayonunun Sabunçu qəsəbəsində Seymur Şahəliyev adlı şəxs xuliqanlıq zəminində Biləsuvar rayon sakini Eldəniz Eyvazovu döyüb. Şahəliyev pnevmatik tapançadan açdığı atəşlə Eyvazovun baş nahiyəsinə xəsarət yetirib. Xəsarət alan şəxsə xəstəxanada ilkin tibbi yardım göstərildikdən sonra o, evə buraxılıb.
Sabunçu Rayon Polis İdarəsinin 12-ci Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən qəsəbə sakini Seymur Şahəliyev tutulub.
Ondan hadisəni törədərkən istifadə etdiyi "MP 654 K" markalı pnevmatik tapança götürülüb.
Faktla bağlı araşdırma aparılır.
