BAKI, 22 yan — Sputnik. Hindistanda qatarın relsdən çıxması nəticəsində ölənlərin sayı 32 nəfərə çatıb, 50 nəfər xəsarət alıb.
Sputnik Azərbaycan-ın RİA Novosti-yə istinadən verdiyi məlumata görə, hadisə Orissa və Andhra-Pradeş ştatlarının sərhədində baş verib.
Sürətli qatarın lokomotivi və qatardakı 22 vaqondan 8-i relsdən çıxıb. Qəzanın səbəbləri hələ məlum deyil. Ancaq “Hindistan Dəmir Yolları” şirkəti təxribat versiyasını istisna etmir. Çünki hadisə baş verən regionda mao silahlıları fəaliyyət göstərir.
