BAKI, 21 yan — Sputnik. Türkiyənin tanınmış aktyoru Ayberk Atilla vəfat edib.
Sputnik Azərbaycan-ın Hurriyet-ə istinadən verdiyi məlumata görə, sənətçi yanvarın 21-də evində ölüb. Aktyor bir müddətdir xərçəng xəstəliyindən əziyyət çəkirdi.
1946-cı ildə İstanbulda anadan olan Ayberk Atilla karyerasına 1967-ci ildə Lalə Oraloğlu Teatrında başlayıb. Müxtəlif illərdə Türkiyənin bir neçə teatrında çalışıb.
A. Atilla “Səksənlər”, “Leyli və Məcnun” “Hürrəm Sultan” kimi məşhur seriallarda müxtəlif obrazlar yaradıb.
