BAKI, 20 yan – Sputnik. Almaniya kansleri Angela Merkelin fevral ayının əvvəllərində Türkiyəyə səfər edəcəyi gözlənilir.
Sputnik Azərbaycan bu barədə Anadolu agentliyinə istinadən məlumat verir.
Görüşün gündəliyində terrorla mübarizə, miqrant böhranı və ikitərəfli əlaqələrin inkişaf mexanizmləri olacağı bildirilib.
Sərt tənqidlərə baxmayaraq bu günə qədər miqrantlar üçün açıq qapı siyasətini müdafiə edən Merkel, bu məsələni Türkiyə ilə iş birliyi içində həll edilə biləcəyini düşünür.