Lənkəranda qanvermə aksiyası keçirilir

Rahim Zakiroğlu, Sputnik Azərbaycan

BAKI, 20 yan — Sputnik. Bu gün Lənkəran şəhərində xeyriyyə aksiyası keçirilir. Mərkəzi Qan Bankının (MQB) və Lənkəran şəhər sakini Fərman Rəhmanzadənin birgə təşkilatçılığı ilə səhər saatlarında qanvermə aksiyası başlayıb.

Fərman Rəhmanzadənin Sputnik Azərbaycan-a verdiyi məlumata görə, bu xeyriyyə aksiyası 20 yanvar Milli Hüzn Gününə həsr edilib. Aksiyada toplanan qan Lənkəran şəhərində qeydiyyatda olan talassemiyalı xəstələrə bağışlanacaq.

Qeyd edək ki, qanvermə aksiyası səhər saat 09:00-dan başlayıb və axşam saat 17:00-dək davam edəcək. Günorta saatlarınadək 60-dan çox sakin aksiyada iştirak edərək qan verib.