BAKI, 18 yan — Sputnik. Yeni il gecəsi İstanbuldakı "Reina" gecə klubunu qana bulayan özbək əsilli terrorçu A. Maşaripovun yerini polisə kimin xəbər verdiyi üzə çıxıb. Sputnik xəbər verir ki, bu barədə Türkiyənin "Hürriyet" qəzetinin köşə yazarı Abdulkadir Selvi məlumat verib.
Onun sözlərinə görə, 39 nəfəri yeni il gecəsi qəddarcasına qətlə yetirən Maşaripovun gizləndiyi yeri polisə bir qadın xəbər verib. Həmin qadının qatili izlədiyi, qaldığı binanı tam dəqiqliklə biləndən sonra polisə məlumat verdiyi qeyd olunur.
