BAKI, 14 yan — Sputnik. “Synergy Baku” komandasında çıxış edən rusiyalı velosipedçi Kirill Pozdnyakov Azərbaycan vətəndaşlığını qəbul edib.
Sputnik xəbər verir ki, bu barədə komandanın mətbuat xidməti məlumat yayıb.
"Biz, tezliklə 2017-ci il mövsümü üçün tam heyətimizi elan edəcəyik, lakin bizim bir böyük xəbərimiz var: Kirill Pozdnyakov komandada qalacaq. O, Azərbaycan vətəndaşlığını qəbul edib" — deyə məlumatda bildirilir.
Pozdnyakovun 27 yaşı var. O, “Synergy Baku”da karyerasına 2013-cü ildə başlayıb, 2014-2015-ci illərdə "Rusvelo" komandasının şərəfini qoruyub. 2016-cı ildə Azərbaycan komandasına qayıdıb.
