BAKI, 12 yan – Sputnik. Rusiyanın dövlət başçısı Vladimir Putin, yoğun iş qrafikinə necə tab gətirdiyini açıqlayıb.
Adıgey Respublikası parlamentinin keçmiş və yeni sədrləri ilə görüşən Putin, stressi məğlub etməyin sirrini paylaşıb.
Bu gün vəzifəsini yeni sədrə təhvil verən Adıgey parlamentinin başçısı Aslan Takuşinov Rusiya prezidentinə “birgə işlərimiz və dəstəyiniz üçün sizə minnətdaram. Sizi hər yerdə olan bir insan kimi xatırlayacam. Hər halda bu cür stressə dayanmağınızın səbəbi sambo və cüdo ilə məşğul olmağınızdır” — deyib.
Sputnik xəbər verir ki, Takuşinovun sözlərinə Vladimir Putin “tamamilə doğrudur” cavabını verib.
Qeyd edək ki, Rusiya prezidenti cüdo və sambo üzrə qara kəmər sahibidir.
