CƏMİYYƏT
Cəmiyyətin həyatında baş verən aktual hadisələr

Keçmiş nazirin həbs müddəti uzadıldı

© Photo : Mehemmed Turkmen / Musavat.comƏli İnsanov
Əli İnsanov - Sputnik Azərbaycan
Abunə olmaq
Əli İnsanov barəsində olan həbs qətimkan tədbirinin müddəti martın 11-dək uzadılıb.

BAKI, 10 yan — Sputnik. Qaradağ rayon Məhkəməsində sabiq səhiyyə naziri Əli İnsanovun barəsində olan həbs qətimkan tədbirinin müddətinin uzadılması barədə istintaq orqanının təqdimatına baxılıb.

Vəkil Toğrul Babayevin APA-ya verdiyi məlumata görə, məhkəmə müddəti martın 11-dək uzadıb.

Bir müddət əvvəl Ə. İnsanov barəsində Cinayət Məcəlləsinin 234.1-ci (satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə və ya saxlama), 315.2 (Hakimiyyət nümayəndəsinə xidməti vəzifələrini yerinə yetirərkən həyat və sağlamlıq üçün təhlükəli olmayan zor tətbiq etməklə müqavimət göstərmə, xidməti vəzifələrini yerinə yetirməsi ilə əlaqədar ona və ya onun yaxın qohumlarına qarşı belə zor tətbiq etmə və ya zor tətbiq etmə hədəsi ilə hədələmə, bu maddədə göstərilən şəxslərə qarşı həyat və sağlamlıq üçün təhlükəli olan zor tətbiq etmə) və 317-2.1-ci (Cəzaçəkmə müəssisələrində və ya istintaq təcridxanalarında saxlanılan şəxs tərəfindən qadağan olunmuş əşyaların hazırlanması, saxlanılması, gəzdirilməsi, daşınması və ya istifadəsi, eyni əməllər təkrar törədildikdə) maddələri üzrə cinayət işi başlanıb.

İnsanov 2005-ci ilin oktyabr ayında həbs olunub. O, dövlət vəsaitlərinin mənimsənilməsində və dövlət aktivlərinin qanunsuz özəlləşdirilməsinin təşkilində ittiham olunub. 2007-ci ilin aprel ayında əmlakı müsadirə olunmaqla 11 il müddətinə azadlıqdan məhrum olunub. Ə. İnsanovun cəza müddətinin başa çatmasına az qalmışdı.

Xəbər lenti
0