Professor: Strateji yol xəritəsinin uğuru daxili və xarici amillərdən asılıdır
BAKI, 6 yan — Sputnik. Azərbaycan Respublikasının Prezidenti yanında Dövlət İdarəçilik akademiyasının dekanı, professor Çingiz İsmayılov deyir ki, kiçik və orta biznes üçün mərkəzləşdirilmiş agentliyin yaradılmasına xüsusi ehtiyac yoxdur. Çünki müvafiq nazirliklər mövcuddur.
“Məhdud maliyyə imkanları şəraitində yeni strukturlar yaratmaq və onlara pul ayırmaq düzgün deyil. Strateji yol xəritəsinin icrası üçün nazirliklər məsuliyyət daşıyırlar. Məsələn, turizmlə bağlı yol xəritəsi var və onun icrasına Mədəniyyət və Turizm nazirliyi nəzarət etməlidir. Hər nazirlik öz sektoru üzrə cavabdeh olmalıdır. Yol xəritələri hazırlanarkən onların hamısı iştirak ediblər. Sadəcə nazirliklər çərçivəsində yol xəritələrinin icrasına məsul olacaq şöbələr yaratmaq lazımdır”, — deyə o bildirib.
