BAKI, 5 yan — Sputnik. Birləşmiş Ştatların prezidenti Barak Obama hərbçilərlə sonuncu görüşünü keçirib. Sputnik Time agentliyinə istinadən xəbər verir ki, vəzifə müddəti başa çatmaqda olan prezident Virciniya ştatında əsgərlər və zabitlərlə bir araya gəlib.
Görüşdə Obamanı vitse-prezident Co Bayden, müdafiə naziri Eşton Karter və qərargah rəisi Cozef Danford müşayiət edib. Obama çıxışında deyib ki, əsgərlər üçün ən böyük məsuliyyət amerikalıların inamını qazanmaqdır.
"Xalqımızı qorumaq üçün gözünüzü belə qırpmayın. Bununla yanaşı, əsgərlərimizin həyatını təhlükəyə atmamaq üçün tələsik döyüşlərə də girməyin" — deyə Obama əlavə edib.
Görüşün sonunda müdafiə naziri Eşton Karter prezident Obamaya hərbçilər adından medal təqdim edib.
