BAKI, 28 dek – Sputnik. Rusiya Dövlət Dumasının senatoru Aleksey Puşkov Türkiyə prezidenti Ərdoğanı dəstəkləyən bəyanatla çıxış edib.
Sputnik xəbər verir ki, Puşkov, Ərdoğanın “ABŞ-ın başçılıq etdiyi koalisiya İŞİD-ə dəstək verir” açıqlamasını haqlı sayıb:
“Ərdoğan haqlıdır! Amerikanın terror təşkilatlarını dəstəkləməsi ilə bağlı çoxlu faktlar var. Dövlət Departamentinin aşkar ortada olanları təkzib etməsi yersizdir” – Puşkov twitter səhifəsində yazıb.
Qeyd edək ki, amerikalı rəsmilər Türkiyə prezidentinin bəyanatına cavab olaraq, Ərdoğanın dediklərinin gülünc olduğunu iddia etmişdi.
